نشبت مشادة كبيرة بين الموسيقار حلمي بكر، وعلاء الحلواني - محامي المطربة شيما - بسبب اتهام الثاني للأول بأنه كان يريد الزواج من موكلته . وقال "بكر" في لقاء مع برنامج "العاشرة مساءً" الذي يقدمه الإعلامي وائل الإبراشي ، موجهًا حديثه لمحامي "شيما": "أنت تعرف شيما من امتى؟ .. ايه رأيك إنها جتلي البيت مع أحد المنتجين قولتها يا بنتي عايزة ايه؟ .. قالت عايزة أمثل وأغني .. والمنتج قال عايزين نجربها في التمثيل وعايزين نشوف صوتها".

وقاطعها محاميها قائلا : "لا هي قالت إنك كنت عايز تتجوزها يا أستاذ حلمي وهي رفضت" .. فرد "بكر" قائلًا: "الله أكبر .. طب ايه رأيك إن أنا موافق أتجوزها؟ هاتها دلوقت" .. فرد "الإبراشي" قائلًا: "ماهي في السجن دلوقت" .. فرد "بكر" : "طب أنا هتجوز واحدة في السجن؟" .

وقال محاميها: "لا أنا معايا شهود على الواقعة يا حلمي بيه ومن ضمنهم شيماء مراتك الأولانية" .. فرد "بكر" : "أنا قولتلها لما جتلي امشي مشوفش وشك هنا تاني .. وأجيبلك المنتج اللي كان جاي معاها يشهد .. أما شيماء اللي بتتكلم عليها دي حرامية ".