وجه الشاعر الغنائي الكبير بهاء الدين محمد رسالة إلى الفنانة شيرين عبدالوهاب بعد أزمتها الأخيرة مع الفنان عمرو دياب وكتب على صفحته الشخصية على موقع التواصل الاجتماعي فيس بوك قائلا: "عزيزتى شيرين عبدالوهاب.. انتى عارفة أنا باعزك قد إيه ودافعت عنك كتير.. وف نفس المكان اللى دافعت عنك فيه لحظة خلافك مع الفنان الملحن عمرو مصطفى، لازم دلوقت اقولك.. لأ .. وكفاية .. وصمت!.. لأن عمرو دياب كيان كبير ومن الصعب تكراره.. ده غير إنه واجهة لينا وللوطن العربى كله .. وحتى لو حصل خلاف معاه لازم يكون بشكل لائق وغير معلن ..!! لأننا بالفعل عمرنا ماسمعناه ولا شوفناه بيغلط ف حد أو زميل ده غير إن ماحدش فاهم ولا عارف هو عملك إيه؟!! ودى المشكلة.. وانتى والكل عارفين إنى أكبر وأصدق من إنى أجامل أو أنافق حد فيكم .. علشان كده لازم أقولك (( كفايه ياشيرين )) وخلى بالك وماتخسريش جماهيره اللى تجاوزت 90 % من المجتمع العربى ويمكن أكتر .. والمطلوب منك الصمت لأن الوقت مش وقت اعتذار".