علق الشاعر الكبير بهاء الدين محمد، على مشكلة الملحن عمرو مصطفى والمطربة شيرين، وأشراكه هو والمنتج نصر محروس في هذا الجدال، وذلك ببعض الكلمات القاسية على الملحن الشهير، هذا من خلال حسابه الرسمي عبر موقع "فيس بوك".

وقال بهاء الدين:

هام جدًا : إلى الملحن عمرو مصطفى :

أولا: فوجئت على أكثر من موقع إعلامى وصحفى إنك ذكرت إسمى وإسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية.

ثانيا:"على ما أتذكر إنك ماكنتش لسه موجود كملحن ف الفترة اللى بدأت شيرين فيها وجودها الفنى ولو كنت موجود كملحن ف بدايتك أظن من الصعب على شخصى وشخص نصر محروس إننا نتحايل عليك تسمع صوتها وهذا كلام غير صحيح".

وأكمل بهاء الدين قائلًا:"ومش حاتكلم عن الكلام التانى اللى انت كتبته عن شيرين وتناولته المواقع والصحف اللى مايصحش أكرره تانى لعدم صحته ولبواخته وتهوره".

ثالثًا:"شيرين عبد الوهاب .. مطربة لها مكانتها ووجودها اللى أظن هجومك عليها بالاسلوب والمستوى ده كان تهور غير محسوب" !!!.

رابعًا:"نصيحة من أخ أكبر ليك، ماتخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم ".

كما تابع كلامه قائلًا:"وماعندناش نجوم كتير في نفس المكانة .. والمفروض فنان بإسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيرا منتظر منك الإعتذار للجميع لأنى أثق إنك بتحترم الكبار".

واختتم قائلًا:"خامسًا..اخترت ردى يكون بنفس الاسلوب اللى اتبعته في هجومك على شيرين وذكر اسمنا كشهود على وقائع لم تحدث، وف انتظار اعتذار الفنان اللى جواك .