كشفت الفنانة اللبنانية رولا سعد، كواليس خطوبتها في رأس السنة الحالية 2021، مشيرة إلى أنها تفاجأت بخطيبها، وهو يطلب يدها.وقالت "رولا" : "في ناس عم بتعاتبني علشان موضوع الخطوبة خصوصا إني قلت قبل أيام إني مش مخطوبة ودلوقتي بقول اتخطبت".

وأوضحت: "أنا اتفاجئت في رأس السنة، إن يحيى طلب إيدي، وأنا وافقت لإني عارفة مشاعري ومتأكدة منها، بس اتفاجئت أكيد بسبب السرعة".وعن جديدها الفني وما تحضر له حاليًا، قالت: "بحضر لبرنامج يحكي عن المرأة، مش أول برنامج ليا، لكن أول برنامج من النوع ده، هو بناء على رغبة الناس وبناء على قصص شوفتها أثناء فترة الإغلاق، كان عندي وقت أكتر على السوشال ميديا".

وتابعت: "في ناس كتير حلوة بس مش عارفين يظبطوا حالهم، في ناس عندها عقد من أشياء كثيرة، كل القصص دي قررت نعملها في برنامج، تشمل الموضة والجمال والشعر والتجميل وصحة المرأة ونفسيتها، وفي فقرات للمحجبات، كتير قصص راح ينبسطوا فيها الناس ويستفيدوا كتير".وعن أغنيتها الأخيرة "لاغيني تلاقيني" وتصويرها فيديو كليب، قالت: "هي أغنية مصرية إنتاج شركة لايف ستايل، وإخراج زياد خوري، أول مرة اتعامل معاه، كتير انبسط، مريح بشغله وانبسطت كتير بالطريقة اللي اشتغلنا فيها سوا".

وأكملت: "صار لي فترة بعيدة شوية عن مصر، وحبيت أرجع لإن الجمهور المصري له مكانة خاصة عندي، لإن بدايتي كانت في مصر وخدت دعم كبير هنا، مشان هيك حبيك أرجع بعد فترة كورونا".وأردفت: "الكليب فيه نفس الروح اللي كنت أحب أعملها من قبل، ولكن بتقنية أكبر وأداء مختلف، صورنا بسوريا وتركيا لظروف الكورونا، بنفس الوقت حبينا نصور بسورية لإن المخرج كان شايف شيء معين بموقع التصوير ومكان مثل الصحراء".وعن إصابتها بارتفاع في درجة حرارتها مؤخرًا، وإصابتها بوعكة صحية، قالت: "مشكلتي الحمد لله مش كورونا، عندي حساسية ومشكة في وداني سببت ليا السخونية".واختتمت: "للأسف الشديد في ناس واخدين أزمة كورونا تهريج، وده مش مظبوط، خاصة لما حد قريب منك تخسريه أو يتعذب ويتألم ومتقدريش تاخديه على المستشفى فده سبب كافي يخلينا نهتم أكتر".

قد يهمك ايضا 

رولا سعد تواصل حملتها خيرية للأطفال والمرضى على مستوى العالم العربي

​رولا سعد تعود إلى لبنان لاستكمال مسلسلها الدرامي "مجنون فيكي"